طريقة زواج جديدة

السلام عليكم ورحمة الله وبركاته..

أهليينلبنات والأولاد الحلوين شلونكم ؟؟ بخير إن شاء الله..

اليوم ابغى أناقش معاكم فكرة قريتها باحدي المدونات وبالتحديد مدونة ( خــــواطــر )

سيطول الحديث في هذا الموضوع فأرجو أن لا يجد إليكم الملل طريقا..

الفكرة مو غريبة تماماً لأن صاحب المدونة سامع عن واحد مطبقها

الفكرة. . .
لنفترض إن في واحد عمرة 18 سنة كمجرّد فرض..
ليش ما يتقدم هذا الولد و يخطب بنت معينه بأي طريقة كاختيار أهله لها
( شخصيا أنا أشوف إنكم كبار والمفروض تختارون بنفسكم )..
وبعد ما يشوفها و تشوفو و يشوفوا بعض و تتم الموافقة.. يتم عقد القران بينهما >> حلوة القران

وهنا تبدا الفكرة .. بعد العقد تقعد البنت في بيت أهلها و الولد في بيت أهله..

ليه مستغربين!! عادي مو شي غريب 

مو مثل زواج المسيار .. لا.. محنا حق ها الخرابيط 
لا كن تكون البنت في بيت أهلها الين هو ( الولد ) يجهز نفسه مثل الناس
يعني يخلص دراسة يلاقي بيت ولا شقة و غيرة ..بعدين هي تجي عنده ..
وفي المدة إلي البنت بتكون فبيت أهلها مصروفها وخرابيطها كله من أهلها 

بتقلون ليش يعني يتزوجها وأهلها يصرفون عليها !!

والله لو ما كانت متزوجة كان أهلها يصرفون عليها يعني المسئلة سيم سيم
وبذلك لن يتغير على الأهل الكثير..

أنا ما أقول أن الولد ما علية شي %100 لا طبعا علية لا كن على قدرة
يعني مو كل يوم تدقين علية يعبي رصيدك عيب هي مرتين بالأسبوع بس كفاية
وطبعا أهلة يساعدونه هذي مو لازم لها كلام

بعد ما عرفتوا الفكرة نجي نناقشها وأنا أبدء

أنا قعدت أفكر فيها وتوصلت لتالي:

الإيجابيات

- كل واحد يضمن إن الثاني ما كن له سوابق ( شخصيا ما أهتم له سوابق أولا )

- فله لأنهم يقدرون يطلعون مع بعض و ولا احد يقدر يقول شي 

- رح يكونوا متعودين على بعض يعني بينهم تفاهم وعارفين عادات بعض

- يعرفون بعض أكثر يعني لما ينقلون مع بعض مارح يصير تصادم فكري بينهم 

- أعتقد إن للفكرة أمل أكبر بين القرايب يعني أذا الولد بياخذ بنت عمة أو بنت خالة احتمال نجاح الفكرة شبة مضمون

( لا كن أنا ما أحب فكرة الزواج من القرايب )

الصعوبات أو العقبات

-وين يلاقي الواحد عيله تقبل بهاذي الفكرة ؟؟ 

- هل أهل الولد سيوافقون أعتقد أن المسئلة شوي صعبة 

- كيف تتأكد العائلة إن الولد جاد مو قاعد يلعب 

- نجي لأهم شي وهو تقبل المجتمع للفكرة